AWS
2006-cı ildə Amazon Veb Xidmətləri (AWS) bizneslərə veb xidmətləri şəklində (indi bulud hesablamaları kimi tanınır) İT infrastruktur xidmətləri təklif etməyə başlayıb. Bulud hesablamasının əsas üstünlüklərindən biri ilkin kapital infrastrukturu xərclərini biznesinizin miqyasında aşağı dəyişən xərclərlə əvəz etmək imkanıdır. Bulud ilə bizneslərin artıq həftələr və ya aylar öncədən serverləri və digər İT infrastrukturunu planlaşdırmağa və əldə etmələrinə ehtiyac yoxdur. Bunun əvəzinə bir neçə dəqiqə ərzində yüzlərlə və ya minlərlə server yüklənib daha sürətli nəticələr verə bilər.
AWS qlobal məlumat mərkəzlərindən 200-dən çox tam xüsusiyyətlərə sahib xidmətlər təklif edən dünyanın ən əhatəli və geniş şəkildə qəbul edilmiş bulud platformasıdır. Sürətlə inkişaf edən startaplar, ən böyük müəssisələr və aparıcı dövlət agentlikləri daxil olmaqla milyonlarla müştəri xərcləri azaltmaq, daha çevik olmaq və daha sürətli innovasiyalar etmək üçün AWS-dən istifadə edir.
Aparıcı bulud platformaları
AWS Regionlarının qlobal şəbəkəsi
AWS ən geniş qlobal bulud infrastrukturuna malikdir. Heç bir başqa bulud provayderi belə aşağı gecikmə və yüksək ötürmə qabiliyyəti ilə qoşulmaqla və çoxsaylı Əlçatımlılıq Zonalarına (Availability Zones) malik olmaqla geniş Regiona xidmətlərini təklif etmir. AWS dünyanın 26 coğrafi bölgəsində 84 Əlçatımlılıq Zonasına malikdir və Avstraliya, Kanada, Hindistan, İsrail, Yeni Zelandiya, İspaniya, İsveçrə və Birləşmiş Ərəb Əmirliklərində (BƏƏ) daha 24 Əlçatımlılıq Zonası və 8 AWS Regionu üçün planlarını açıqlayıb. AWS Region və Əlçatımlılıq Zona modeli Gartner tərəfindən yüksək əlçatanlıq tələb edən korporativ tətbiqləri işə salmaq üçün tövsiyə olunan yanaşma kimi tanınıb.
Həllər
AWS bulud hesablama platforması istifadə səbəbi və ya sənayenizdən asılı olmayaraq tətbiqinizin rahat işə salınmasını təmin edir. Müştərilərin AWS-də işlətdiyi məşhur həllər haqqında ətraflı məlumata nəzər salaq:
Daxili tətbiqlərdən tutmuş SaaS təkliflərinə qədər bütün tətbiqlərinizi gücləndirmək üçün etibarlı, tələb olunan infrastrukturdan istifadə edin.
AWS-in genişlənən infrastruktur platforması ilə dinamik veb hostinq ehtiyaclarınızı qarşılayın.
AWS-in ucuz məlumat saxlama xidmətlərindən istifadə edərək etibarlı yedəkləmə həlləri qurun.
AWS-in təhlükəsiz mühitində daxili və ya xarici İT proqramlarını yerləşdirin.
Az xərc və yüksək məlumat ötürmə sürəti ilə məzmunu bütün dünya üzrə son istifadəçilərlə tez və asanlıqla bölüşün.
Yerləşdirilmiş korporativ verilənlər bazası proqramından və ya qeyri-relyasiyalı verilənlər bazası həllərindən tutmuş müxtəlif miqyaslı verilənlər bazası həllərindən faydalanın.